仲有幾日就新年,唔知大家買咗嘢送禮未呢?買金莎、籃罐曲奇太普通?送果王就夠晒睇面啦!今日我依莉詩就幫大家試過晒榴槤BB的產品啦,一打開包裝,D 香氣已經傳到成間公司,同事們聞都流晒口水。

非當造都食到貓山王

明明貓山王榴槤唔似泰國榴可以催熟,往往都要當造有得食期,咁點解我話可以新年送禮呢?因為榴槤BB 係貓山王當造時落果,立即摘取果肉,並用 -70 度急速冷凍保存,之後由馬來西亞直送回港,所以就可以一年四季都食到。如果伯母係個榴槤控,你盒送一盒俾佢,一定好冧姐!

冰鮮貓山王榴槤果肉

呢盒冰鮮貓山王榴槤果肉用嚟送禮就最好,可以原汁原味咁食到貓山王,又唔洗開榴槤咁麻煩。每盒都有400 克 貓山王果肉(連核),等於 1.6 公斤原果份量。果肉都係係馬來西亞高山老樹貓山王收果後,即時開殼,連核取肉,嚴格篩走過熟或不達標的果肉,並用 -70 度急速冷凍,再運到香港,保證新鮮。

售價:$350

依莉詩短評

冰鮮貓山王果肉食落同即開果肉無太大分別,只係係雪櫃拎出嚟的時候未聞到太香,但慢慢解凍之後就…面對樸鼻的榴槤味,未完全解凍晒都已經忍唔住要開動啦!奶白色的果肉食落幼細軟滑,非常Creamy,味道苦中帶甘甜,又有少少酒香,層次複雜,係口中久久不散。

香氣指數 ★★★★☆

美味指數 ★★★★☆

貓山王果肉 Gelato Bar

如果都係厭果肉要拎上手食太麻煩,可以試下呢支貓山王果肉雪條。Gelato 混合咗 D24 榴槤 同 一絲絲的貓山王果肉製作,由於空氣含量比雪糕底,密度比雪糕更濃厚。

售價:$350/8支、$50/1支

▲ D24 榴槤 同 一絲絲的貓山王果肉混和成雲石紋,睇到都流口水。

依莉詩短評

天氣雖然凍,但呢支雪條真係不得不試。雖然無冰鮮果肉咁香,不過打開包裝後,都有濃濃的香氣,而且雪條的果肉纖維亦相當多。一絲絲貓山王果肉甜中帶甘味,加埋 D24 的香滑,層次比果肉更複雜,更令人停唔到口。就算連平時唔食榴槤的同事都愛上呢!

香氣指數 ★★★☆☆

美味指數 ★★★★★

D24 榴槤蓉

除了貓山王之外,D24 榴槤亦係榴槤控的摯愛。呢杯睇落似雪糕,其實係 加入咗D24 榴槤果肉、奶、糖及棕櫚油調配的榴槤蓉,非常幼滑,可以直接當飯後甜品,啱晒鍾意食榴槤又怕食到無儀態的女士。另外,榴槤蓉仲可以用作榴槤甜品的材料,例如製成榴槤千層班戟、免焗榴槤芝士蛋糕等,進入另一個層次。

售價:$50

▲ D24 榴槤蓉口感香滑,比起貓山王更香甜,女士們應該會好鍾意食。

依莉詩短評

D24 榴槤蓉比起貓山王更香甜可口,食落口感幼滑,帶濃郁奶油味,好似食緊雪糕咁,有種甜甜的幸福感!

香氣指數 ★★★☆☆

美味指數 ★★★★★

4 合 1 榴槤咖啡

榴槤咖啡由 D24 榴槤果肉粉、咖啡粉、糖同奶組成,1 大包內含 6 小包獨立包裝,即沖即飲、方便快捷。

售價:$80

依莉詩短評

榴槤同咖啡兩種香味本身都非常濃郁,所以一撞埋未必人人受得起。一沖好,全公司的人就有兩個極端的反應,比起冰鮮果肉解凍後更誇張。不過飲落其實唔太大感覺,奶味比較重,飲唔到榴槤的味道,只係覺得甜味同普遍咖啡有少少分別。

香氣指數 ★★★★★

美味指數 ★★★☆☆

閱讀全文:
屏幕截圖
原文出處

🡑

X