早兩日有間專賣貓山王榴槤嘅公司搞咗全港首個榴槤放題,畀你用低於一個貓山王嘅價錢任食到飽為止,身為榴槤迷嘅筆者梗係二話不說報名參加。了解相關詳情之後,原來活動除咗畀你任食,仲有其他香港少見嘅品種介紹同試食(所以都係任食)。喪食之餘仲學到嘢,正喎!

去到活動當日,筆者先知道馬來西亞聯邦農業促銷局(FAMA)有份合辦。據負責人所指,呢個亦係當地政府首次與私人機構合作搞嘅榴槤放題,因此唔單止價錢特別抵,仲有一啲香港從未進口嘅品種出現。

榴槤放題提供5個唔同品種嘅榴槤,除咗香港人成日食到嘅D24蘇丹王、D197老樹貓山王之外,仲有888純種老樹、D101紅肉同D13金包。活動開始時,大會先每種安排一件畀大家,然後由淡至濃逐一解釋其特點,並請大家順序試食。

閱讀全文:
屏幕截圖
原文出處

🡑

X