榴槤食品專賣店「榴槤BB」老闆KK坦言舉行每場放題並非志在賺錢,他還提及有些客不認識「貓山王」的味道,更以為是他的榴槤味道變壞。KK直言自助餐形式,每一場都要蝕錢,到底點解佢蝕錢仲要做?做放題你估話咁易,KK仲獨家教大家食榴槤食滯咗點解決?原來係靠一個榴槤殼? 閱讀全文:屏幕截圖原文出處
聽到「榴槤」兩字,有人一聽便拒諸門外,有人則愛不釋手。數年前,「榴槤BB」老闆KK因一次到馬來西亞旅遊時,於Facebook張貼了「貓山皇」榴槤的相片,惹來不少愛果之人請求代購,便萌生起KK以榴槤發展生意的念頭,更首創榴槤放題,讓擁躉們一嘗多款果王滋味。。KK曾經也有想放棄的念頭,那一次他正遇到送果飛機延誤,全場客人呆坐沒榴槤吃,他坦言「二千幾人,六百蚊一張飛,但係榴槤已經收咗貨,飛機已經安排好,個場都訂埋,所有成本都蝕。」在場還有人即時衝上台講粗口,睇下佢KK點拆掂佢啦! 閱讀全文:屏幕截圖原文出處
榴槤實用知識榴槤好吃,舉辦超過80場榴槤buffet的榴槤BB創辦人袁家駒(KK),常為食客「上課」,以下是他們經常發問的問題,總結為榴槤四大實用知識。點分泰國、大馬榴槤?最主要的分別就是泰國榴槤不是在樹上完全熟的,很多時候都是九成熟時就運來香港,途中再催熟。馬來西亞因為樹上自然熟到掉果,普遍都會在尾部綑了橡皮筋,目的是空運到港時減少爆開的情況。D24這組數字何來?原來D字是已向馬來西亞農業局註冊的認證,後面的號碼是品種註冊的先後次序。山頂XO、貓山王等名稱則是果商任改。現時能查到的註冊品種已經達204個,即編號D204。點洗走手上的榴槤味?用手吃榴槤特別滋味,但成手一陣榴槤味,係人都怕咗你。要去掉果王霸氣的味道,你只要把水倒到白色的榴槤內殼,再用那些水洗手,就可以辟除手上的榴槤味。 閱讀全文:屏幕截圖原文出處
馬來西亞榴槤專家阿 Paul,教大家揀靚榴槤。香港人有多喜歡吃榴槤,看看最近麥當勞「D24榴槤麥旋風」面世兩日就賣光,再以「終極特濃」的版本推出仍引出處處長龍已能知曉。對於榴槤的小知識,又知多少?與其只吃那以大量糖漿配小量果肉製成的甜品,不如自己親手去選購一個靚的真品更好。Paul Yee 是馬來西亞榴槤專家,有十多年批發經驗,亦擁自家榴槤農場。近年,他更去到香港的榴槤專賣店「榴槤BB」,幫忙協辦多場榴槤自助餐,對香港現時最hit的5大馬來西亞榴槤品種,他各有評論。年年果落當造的月份不一,阿Paul就說今年7到8月的收成最好,大家要趁機品嚐。想揀個熟的,就要記住阿Paul教落的秘訣,「熟的榴槤水份少,拿上手會較輕,用手輕搖就搖得出果肉和殼間有空隙。」D197高山老樹貓山王 甘甜濃郁產地:彭亨價錢:每公斤約$250「馬來西亞人最喜歡吃貓山王,它的特質就是有很濃郁的味,如芝士般濃郁,甜中帶甘。殼厚度適中,也多肉,核小得一粒。」那怎麼才能選到真的貓山王?他答:「貓山王有星星形,五星或六星形都有,多一星就多一瓣肉。」D13金包 女生最愛產地:新山價錢:每公斤約$150如何選金包呢?通常是圓圓的,也是葫蘆形,而它的刺都是寬和短。它最抵食是因為是貓山王近親,可說是貓山王的表弟,但價錢較便宜,加上味道較甜,通常女孩子都喜歡這種甜味。D198金鳳 肉質爽口產地:新山價錢:每公斤約$250喜歡多肉少核的就要吃D198金鳳。殼形較圓的金鳳,皮薄肉美,果肉細長逞奶白色,每粒核都是小小的,肉質比其他品種更爽口。D24山頂XO 酒味濃郁產地:彭亨價錢:每公斤約$180要選高山的D24,殼會較低山的灰,味道較濃郁和香,帶有香濃酒味,果肉纖維很多。肉較厚,但核也較大粒,四到五個刺中間有一條細刺是它的外殼的特徵。D200黑刺 全馬最貴產地:檳城價錢:每公斤約$350它的產量很少,所以在馬來西亞是最貴的品種。在本地也不夠供應,很多馬來西亞人在未掉果前已訂定了。肉厚但核大,殼亦十分之厚,不算抵食,但味道層次較複雜,試試無妨。註:價格為原個榴槤發售的平均價格,價格視乎當月供應而浮動。 閱讀全文:屏幕截圖原文出處
多謝「榴槤BB」,自從老闆KK兩年前將馬來西亞優質榴槤引入香港,更在產量大造期間於觀塘工廈首創放題,讓榴槤愛好者不用飛檳城或吉隆坡,也不用在一般專門店或貴價超市以千元左右的高價才買得一個的情況下,得享淫吃,大快朵頤。去年馬來天氣不佳,榴槤初開花時遇大雨,好些嫩花被打落。隨後的月份卻反常乾旱,餘下的花雖然結果卻生得緩慢。我們在六月最後一天飛檳城,臨行前致電檳城相熟榴槤園詢問及訂位,誰知老闆不敢接訂單,只說到埗再聯絡。幾乎七月,開園放題仍未開始,表示產量出現異常,與過去榴槤旺季有極大差別。榴槤BB的大本營在靠近吉隆坡的彭亨州,也是各式貓山王品種的生產地,集合多種果王運到香港,始創榴槤放題,功德無量,好此道者毋須老遠飛至馬拉,隨時付高價也吃不到數量並好品種,分分鐘吃得一肚氣。他們先了解了榴槤造期,肯定產量才推出廣告,或於fb專頁,讓同好者報名參與。從歐洲回來前,聽到馬拉朋友說今年風調雨順大造,幾乎天天吃個不亦樂乎,同伴與我聽落心癢癢,恨不得立即改機票行程,飛吉隆坡吃個痛快。猶幸榴槤BB就在我們到港後幾天的周末開始放題,立即報名。那天到場人山人海好不精采,品種多類,似XO般帶矜貴輕微苦澀,入口後轉香甜的老樹貓山王;讓新嘗試者易入門的甜美金包;甜而不膩的山頂XO;帶酒香,名氣僅次於老樹貓山王;受榴槤迷愛戴,重甘味的金鳳;還有檳城第一名種黑刺。才個多小時,我們七人合共吃了起碼20個榴槤,滿足個飛飛,期待八月下旬飛往馬拉上榴槤山入園,吃個滿足!(本欄逢周三至五刊登)撰文: 鄧達智 遊山玩水See The World 欄名: I SEE 閱讀全文:原文出處
鍾意食榴槤嘅為食友,係咪都想有機會任食榴槤?開飯仔就帶大家直擊呢個榴槤任食品鑑Party,可以120分鐘任食唔同品種嘅榴槤!今次仲集合咗馬來西亞南、中、北部三大榴槤王,想知有咩特別就睇下面逐一介紹啦。榴槤BB再次同馬來西亞聯邦農業促銷局合作舉辦任食品鑑Party,不過注意返活動係不定期舉辦,下一場暫定8月中。因為老闆KK要確保有足夠品種同數量嘅榴槤當造先會搞,有興趣嘅話不妨留意佢地Facebook。120分鐘嘅任食品鑑Party分兩個部分,頭30分鐘係品鑑部分,每人都會有一份品鑑盤,上面有唔同品種嘅榴槤各一粒。有專人介紹馬來西亞榴槤嘅特色,逐一講解唔同品種嘅資料,同一啲有關榴槤嘅知識。之後90分鐘就係榴槤迷期待嘅任食環節!呢次嘅品鑒盤有五款榴槤,試嘅時候記得注意兩點:一,由左開始食到右,因為呢個係按榴槤香味排嘅順序,由比較淡味嘅D13金包開始食到最後最濃郁嘅D197老樹貓山王,咁就唔會互相蓋過味道。二,枱面會有一支水免費提供,食完一件可以飲啖水清洗一下口腔,咁先試到榴槤真味。D13金包因為果肉顏色特別金黃因而取名金包,口感特別Creamy幼滑,味道會偏甜少少,所以係唔少榴槤迷嘅心水之選。之後嘅任食環節就有唔少人指定要Encore呢一款!D24山頂XO顧名思義,山頂XO嚟自果園山頂栽種嘅榴槤樹。而XO係指食落有種陣類似XO酒嘅酒香!果肉柔軟而酒香餘韻悠長。D198金鳳嚟自馬來西亞南部嘅金鳳喺當地相當受歡迎,香港坊間就較為少見。顏色較淺,果核較細而果肉偏乾,食落特別有厚實感都幾討好。味道甘甜得嚟帶少少酒香。D200黑刺而黑刺就係馬來西亞北部嘅榴槤王,果肉纖維比較多,無咁Creamy但味道更甜,甘味唔太明顯,係比較大眾化嘅口味。D197老樹貓山王馬來西亞中部嘅代表,老樹意指樹齡超過30年,難怪榴槤香味同回甘都係五個品種當中最高嘅。果核較細,果肉軟綿有入口即溶感。入口味道以回甘果香為主,之後會有少少酒香,最後口腔會有一絲絲甜味餘韻,味道層次豐富。揀啱心水品種之後,就可以準備進入任食環節。有職員放到枱上,行都唔洗行呀。呢120分鐘大家可以食到幾多?老闆KK表示按之前經驗,女士平均食到20粒,男士比較多可以去到30至40粒。最高紀錄之前係香港有位男士食咗94粒,但最近俾新加坡另一位男士打破,兩小時裡面食咗200粒!呢次有啲可惜嘅係D198金鳳同D200黑刺不設任食,其餘三個品種每四位會各有一碟,食完可以按需要隨意添加。三款品質平均嚟講都唔錯,而且添加數量都足夠滿足呢場嘅所有客人。心思思想嚟食又等唔切放題?平時可以上官方網站預訂榴槤品鑒盤!會有D13金包、D24山頂 XO、D197老樹貓山王,加兩款唔同品種嘅馬來西亞榴槤,堂食或者外賣都得。仲未夠喉嘅話,可以去一角嘅榴槤BB Cafe,飲杯用貓山王或者金包榴槤打嘅奶昔呀。榴槤BB觀塘敬業街65-67號敬運工業大廈2樓B號舖 閱讀全文:屏幕截圖原文出處